RAGOZIUS seu RACOZIUS Georgius I

RAGOZIUS seu RACOZIUS Georgius I.

Princeps Pacificus et egregius, successit Betleemo Gabori, A. C. 1629. postquam praecedente annô Moravis Bohemisque exulibus, in ditione Raccohoviensi et Lednicensi, in Ungaria, locum benigne

concessisset. Quo proin tam ex Baronum, Nobilium Plebeiorumque, quam Ecclesiastico ordine, innumeri sese receperunt. Ecclesiasticorum capita tum Henricus Euanovius, Paulus Hladicius, Ioannes Chodnicius, Matthias Polydorus, Tobias Iunius, Conseniores: cui coetui, post Laneii obitum, Senior datus est Laurentius Iustinus. Vide Ioh. Laetum ad annos praedictos.